Quen somos

GDR TERRA E AUGA

Propoñemos accións que axuden á posta en valor dos recursos do territorio, que potencien os negocios do territorio e que promovan sinerxias entre persoas. Xestionamos fondos e programas europeos orientados ó desenvolvemento económico do entorno.

QUE É O GDR?

É unha asociación sen fins de lucro que se constitúe en A Cañiza o 30 de xullo de 2008 coa finalidade de vertebrar os diferentes sectores socioeconómicos da comarca Condado Paradanta e Salceda de Caselas e constituírse nun foro de debate continuo sobre os problemas do territorio, prestando especial atención á mocidade, ás mulleres, á protección do ambiente, á creación de emprego e ás actividades agrogandeiras e forestais.

Porque queremos poñer en valor dous recursos naturais de especial importancia para as actividades económicas, sociais e medioambientais.

 O noso territorio está formado por terra fértil e produtiva, modelado por auga rica e vital para preservar a biodiversidade e o noso xeito de vida.

Somos terra de viño, somos auga de río e auga termal. Somos horta, alimento e terra produtiva. Somos auga, vida, saúde e porvir…

O GDR Terra e Auga quere poñer en valor os nosos recursos naturais e, en torno a eles, avanzar estratexicamente cara un modelo de crecemento rural máis sostible e dinámico.

Potenciar o desenvolvemento socioeconómico sostible, endóxeno, harmónico do noso territorio de actuación a través da xestión do programa LEADER e outras fontes de financiamento público e ou privado. 

Entendemos por:

  • Sostible: o aproveitamento actual e consciente dos recursos do territorio, sen comprometer ás xeracións futuras. Terra e auga deben perdurar no tempo.
  • Endóxeno: actuamos segundo a metodoloxía LEADER, que implica procedementos participativos, a través do empoderamento dos diferentes actores do territorio na toma de decisión. Dende O GDR animamos á veciñanza a participar, organizar e transmitir as súas inquedanzas e achegas para mellorar ás condicións de vida do territorio. O desenvolvemento local debe producirse desde dentro.
  • Harmónico: o desenvolvemento integral, xusto e equitativo de tódalas partes que integran o territorio. 

Ser a entidade de referencia para a veciñanza, as asociacións, as empresas e as administracións públicas que busquen cubrir necesidades, resolver problemas ou achegar ideas de mellora que repercutan no ámbito  supramanuncipal do territorio de actuación. Traballamos baixo a metodoloxía LEADER, de abaixo cara arriba, para deseñar estratexias de desenvolvemento rural adecuadas ás realidades e capacidades locais. 

ORGANIZACIÓN DO GDR:

  1. Asemblea Xeral

Máximo órgano decisorio da Asociación. Integrada por todos e todas os socios e as socias.

Quero ser soci@

FACERSE SOCIO

  • Condicións para ser socio do GDR:
    • Ser unha entidade pública (concello, deputación ou entidades locais)
    • Ser unha entidade privada (axentes económicos e sociais)
    • Estar aliñado cos fins e valores do GDR
    • Ter o domicilio social no territorio ou acreditar a actividade no territorio.
  • Como facelo:
    • Solicitar o seu ingreso en documento escrito
    • Acreditar un ano de actividade no territorio
    • A Xunta Directiva e o equipo técnico estudará a proposta e resolverá a súa aceptación ou denegación de acceso.
DESCARGA A DOCUMENTACIÓN PARA SER SOCIO DO GDR
GDR Condado de Paradanta

  1. Mesas sectoriais

Son os órganos representantes do axentes territoriais dentro da asociación.

  • Asociacións de mulleres
  • Asociacións de mozos
  • Asociacións de acción social
  • Asociacións cuxo obxecto social garde relación coa protección, conservación e/ou mellora do medio ambiente
  • Asociacións do sector agrario
  • Asociacións de empresarios
  • Asociacións profesionais
  • Asociacións culturais
  • Entidades públicas
  • Outros

  1. Xunta Directiva

Órgano executivo da asociación composta por presidente, vicepresidente, secretario, tesoureiro e vogais ata un total de 21 membros:

  • Presidencia: Concello de Covelo
  • Vicepresidencia: Concello das Neves
  • Secretaría: Asociación de Mulleres Rurais San Pedro de Crecente
  • Tesourería: ASCULCA
  • Vogalías:
    • Concello de Salvaterra de Miño
    • Concello de Crecente
    • Concello de Salceda de Caselas
    • Concello da Cañiza
    • Concello de Arbo
    • Concello de Ponteareas
    • Concello de Mondariz
    • Concello de Mondariz Balneario
    • Banda de Música Xuvenil de Xinzo
    • EFA A Cancela
    • ASAGA
    • CMVMC de Maceira
    • CMVMC de Taboexa
    • CMVMC de Rubiós
    • GESDOGAL
    • PANCONPAN
    • Asociación 3 de xullo todas as persoas somos vítimas

  1. Equipo técnico

É o encargado da xestión diaria dos proxectos nos que o  GDR participa.

 

 

ESTATUTOS DA ASOCIACIÓN

TERRITORIO DE ACTUACIÓN

Engloba ós concellos de ARBO, A CAÑIZA, COVELO, CRECENTE, AS NEVES, MONDARIZ, MONDARIZ BALNEARIO, PONTEAREAS, SALCEDA DE CASELAS e SALVATERRA DE MIÑO.

  • Cooperación: elemento transversal nas nosas actuacións. Cremos no traballo conxunto para acadar os obxectivos comúns.
  • Innovación: Creatividade na procura de solucións e iniciativas que dinamicen a vida rural desde unha perspectiva novidosa e actual.
  • Compromiso e implicación: Co desenvolvemento do territorio e a veciñanza.
  • Proactividade: Acción dinamizadora. 

OBXECTIVOS PERSEGUIDOS

  • Constituír foro de debate
  • Sensibilizar e optimizar o aproveitamento dos recursos endóxenos
  • Ser centro receptor e distribuidor da información do desenvolvemento socioeconómico
  • Formular a estratexia adecuada para lograr o desenvolvemento da zona
  • Articular dinámicas de participación

Para conseguir estes obxectivos utilízanse actividades e actuacións como:

  • Iniciativas dirixidas a fixar a poboación
  • Organizar e promover actividades socioculturais
  • Promover intercambio de experiencias
  • Levar a cabo campañas de difusión da comarca
  • Implicarse na xestión de programas de desenvolvemento para a comarca
  • Promover actuacións e proxectos para o desenvolvemento do territorio
  • Calquera outra actividade de interese
PRESENTACIÓN GDR TERRA E AUGA E EDLP 2023 - 2027