Un novo servizo para os veciños, pero tamén para os visitantes de Toutón, é o que procura este proxecto promovido pola CMVMC desta parroquia de Mondariz.
As diferentes accións que se realizarán, entre as que podemos destacar a instalación dun parque infantil para os máis cativos e dun parque biosaudable, entre outras actividades de mellora, xunto coa proximidade ao centro social permitirán o desfrute dun novo espazo de lecer nesta parroquia mondaricense.
