A V Gala de Calidade Turística do Xeodestino Condado Paradanta tivo lugar esta semana no emblemático Castelo do Sobroso.
O Xeodestino Condado Paradanta celebrou esta semana a Gala de Calidade Turística na cal se pon en valor e visibiliza o traballo do sector turístico público e privado e a súa aposta pola mellora continua a través da metodoloxía SICTED. O Castelo do Sobroso foi o encargado de acoller este evento no cal participaron Pablo Castillo, presidente do GDR Terra e Auga, a deputada de turismo da Deputación de Pontevedra, Nava Castro, así como Ramón Pereiro, secretario territorial da Xunta, Cesáreo Pardal, presidente do Clúster Turismo de Galicia, e Iris Contreras, Jefa de proyectos de calidad y sostenibilidad turística de Segittur.
Baixo o selo de calidade turística SICTED pódense acreditar empresas e servizos de ata un total de 37 oficios do sector do turismo. Un proxecto transversal, como o é o propio turismo, que proporciona formación ás empresas plantexando un proceso de mellora continua para todos eles. O GDR Terra e Auga xestiona este programa, da Secretaría de Estado de Turismo, dende o 2020 no territorio e dende entón ven sumando empresas e servizos ata o total de 50 que na actualidade traballan baixo esta metodoloxía.
As empresas e servizos que renovaron a distinción neste ano foron Corisca SL de Salceda de Caselas; A Pampla, Bodega Torgo, Casa Vilamide e Eido da Fonte da Cañiza; Marqués de Vizhoja e Arabo de Arbo; Adega Rubén, B the Travel Brand, CITEA, Museo Municipal de Ponteareas, Castelo do Sobroso, Confitería Ancla e Punto de Información Turística de Ponteareas; A Cantaruxa Maruxa de Mondariz; o Balneario de Mondariz, Hotel Cemar e Regato de Valdecide de Mondariz Balneario; Julio Eiroa e Lugar dos Devas de Covelo; e Casa Calviño, Hotel Nande, Casa O Frenazo, Condado Paradanta SCG, Hostal O Cendal, CIPC de Taboexa e Punto de Información Turística de As Neves.
