O Grupo de Desenvolvemento Rural (GDR) Condado Paradanta impulsa Roteiros dez, o novo programa de dinamización turística que ten por obxectivo promover o territorio do GDR a través do turismo de natureza.
A iniciativa contempla unha ruta guiada por un experto en cada un dos concellos que conforman a área de actuación do GDR e ofrecerá unha experiencia complementaria á actividade de sendeirismo, que incluirá a aposta en valor do sector agrario, medio ambiental, turístico e das artes.
Roteiros
O primeiro dos roteiros tivo lugar o domingo 15 de outubro á Poza Piñeiro, no concello de Covelo. Estivo dirixido polo guía Julio Eiroa, que conta con certificado de calidade turística SICTED e amplo coñecemento sobre o patrimonio natural e cultural da zona.
Ademais da ruta, a actividade incluiu a visita á explotación Ganadería Sesteiro. Deste xeito, as persoas participantes puideron coñecer de primeira man a actividade gandeira dunha das granxas do territorio.
O percorrido de 7km, durarou 5 horas (incluíndo a experiencia agraria) e foi de dificultade baixa.
A actividade é gratuíta para os participantes e está limitada a 25 prazas, un aforo que se completou na primeira edición do programa.
