NANDE HOTEL DA NATUREZA - GDR TERRA E AUGA

EN QUE CONSISTE?

A nosa proposta desde Nande hotel da Natureza engloba a estadía dunha noite nunha das nosas doce habitacións con almorzo á carta incluído para dúas persoas. Igualmente, e de xeito exclusivo para a clientela que acuda co Pasaporte ao Condado Paradanta, terá a posibilidade de realizar unha das seguintes actividades:

Unha visita guiada a horta ecolóxica:

Coa fin de descubrir todos os produtos existentes na nosa horta e as súas particularidades nun itinerario guiado e explicativo sobre multitude de detalles e con intención de coñecer os beneficios da agricultura e da alimentación ecolóxica propoñemos unha actividade animada ao mesmo tempo que percibimos o recendo e os sabores dunha horta sostible e perfectamente coidada.

Unha visita cultural e patrimonial desde o mesmo hotel:

Coñeceremos o Castro de Altamira, o antigo poboado castrexo onde foron recuperados obxectos de valor e relacionados coa época romana, e a ermida dedicada a San Bartolomé, a carón do castro. É moi axeitada para quen teña interese polos descubrimentos históricos e levará uns 15/20 minutos de paseo desde o hotel.

En época estival, poderase gozar da piscina exterior sen custo adicional aloxándose en calquera das nosas habitacións. Ademais, o hotel ofrece servizos de bar, restaurante, salón compartido e, proximamente, SPA. É un establecemento completamente accesible e adaptado.

CONDICIÓNS

Todas as habitacións estándar (Mencía, Castañal, Sousón, Loureira Branca, Godello, Espadeiro, Caíño, Brancellao e Pedral) están completamente equipadas; dispoñen de Wi-Fi, aire acondicionado, caixa forte, neveira, televisión e baño privado.

Por outro lado, existen dúas habitacións superiores dispoñibles (Albariño e Treixadura), as cales se diferencian, ademais, por dispor dunha terraza cuberta e exclusiva para os seus ocupantes e unha bañeira hidromasaxe. A nosa Suite Loureira Branca dispón dunha bañeira ao lado da cama, un salón anexo e un baño privado. Estas tres habitacións inclúen un suplemento no pago sobre a tarifa estándar.